| 中大之旅...
好眼訓...尋晚好"早"訓...6點...結果訓得2hrs...聽日先寫...
依家係23/7 15:00
21/7
入營喇~
朝早6點半起身...約左桑超7點半等~大家都好準時wo~haha
去到九龍塘搵埋主席~就搭KCR la~~好耐冇搭過lo...
一出大學站...佢冇話係邊度等...攪到唔知企邊好-.-" 最後...邊度多人就企邊度la~haha
跟住等車上去中大la...據說, 行上去會冇命的~~
但係...等勁耐呀! 佢要我地9點鐘去到...但係9點鐘先係山腳比車我地...想點呢?
去到係王統元堂度坐坐坐...hae左好耐...要分組...但佢幫我地編左wo-.- 好彩ge係...我地sch有好多人冇去...咁就可以亂掉la~haha 主席扮黃基駿, choi仔扮A班ge一個女仔-.-" 2個都去左我果組~haha~ 咁當然冇報到真名la~
一開始, 玩分組game wo...不過都ok無聊...
之後要聽個talk...阮大可!? 有d印象咁...好熟口面~~不過唔記得左邊度見過喇~~佢係TVB度做ga wo...呢個talk都不太悶...
聽完, 有得返宿舍喇~~~我同主席一間房~102 ar~門口有特別標記~haha! 老實講, 間房唔大...不過都ok ge...如果冇左木櫃ge味...會更加好~
跟住就係前期製作1, 我果組特別少人的~haha 識ge只有主席同choi仔~我同choi仔做其中1part報導~主席就同bruce做"模擬現場"~harry就自己做"花絮", 而eva同candy就做"嘉賓訪問"...分好工就食飯喇~唔多好食lo...不過算la...我地俾左$100ja-.-" 個canteen都不太乾淨...比城大果個...差少少咁la...
lunch之後, 要連聽2個talk加1個訪問...頭1個talk...陳惜姿...呢個雖然開頭悶悶地...但係都頂得住~~~佢後尾仲講左"happy corner"...仲有在場工作人員(中大學生)作講解~全場人即時醒晒~~
第3個talk就係張寶華(好熟口面, 可能電視見過) 謝彩雲同埋徐匡慈~
佢地講d野...都幾有意思~不過係徐生個talk果時, 我訓著左~~因為實在太眼訓喇, 加上...佢熄左燈呢~後尾講到一d經歷~張寶華仲喊左出黎...而d工作人員都好識做~~就係呢個時候...我feel到自己肚痛...而且越黎越痛...
大約4點半, 就去左"與嘉賓對話"...徐生~都ok悶...無幾耐仲落勁大雨, 超大風同行雷~~但係我把遮呢...係宿舍lo...冇隨身-.-"
大約5點, 就去左玩"模擬現場"~唔唔...氣氛幾好~再傾埋"前期製作2"
大約6點半就食dinner喇~~~但係冇胃口...因為仲好痛...加上都係唔太好食...
好快咁食埋之後, 主席就陪我去左百佳買藥...同埋...用黎過夜ge零食~haha 我買ge係"特效必理痛", 但係一d都唔特效...食左好耐都仲痛lo-.-" 返到去之後, 同主席坐左係sofa度傾~雖然仲痛緊...但係好舒服~
dinner完左就去電腦室整營報~我同choi仔開始作果篇文~突然間聽到..."喔噢"...仲要超大聲~咁我就知道仲可以開埋icq tim~haha 中途d藥終於有效喇~~~唔痛lu~
整到10點就返宿舍喇~返到去無幾耐, 就同主席, 桑超, 林雲峰出去亂行...一個二個都唔敢去"辮子路"~haha 行到成身汗lo...超唔舒服...大約1hr後就返左宿舍沖涼~我唔記得帶拖鞋...唯有赤腳走去沖~返房就傾電話...冇事ge冇事ge!!! 我會睇果本"恐怖"書ga喇~haha 傾左唔知幾耐~就同主席, 桑超, 林雲峰玩~玩到4點幾...仲有ok多人未訓lo...至少有10幾個(唔計我地)...
跟住就返房同主席傾計...訓係張床度傾左好耐, 係半睡半醒之下傾~好攪笑, 可能連自己講左d咩出黎都唔知~~6點鐘就真係訓喇...好"早"呢-.-" 不過冇被...要用自己帶ge風褸...好凍呢-.-"
22/7
8點鐘就要起身...好似...冇訓過咁-.-" 但係唔太眼訓~去食早餐la~好好食wo~~~完全估唔到lo...早餐好食過晒之前果d...跟住就去返王統元堂~落大雨...好彩有風褸同遮~呀暢(我地ge隨隊工作人員) 勁攪笑, 叫我地放低野之後, 又叫我地記得拎齊野...想點-.- 語無倫次~haha 佢幾nice ga~~then我地就返去電腦室繼續整營報...我訓左陣...
今日ge lunch好食過尋日ge好多~~我地有多勁多飯卷~多得冇黎果d人唔少~haha~結果桑超同today都食左3盒飯...choi仔食左2盒...而我同主席都夾埋食左3盒~好好味呢!
之後返去攪埋個手尾就做完...但係佢地話...個排版果度有問題...攪唔切...呢個時候, 個氣氛down左...不過好快就冇事喇~
then去左玩分組game...我, 主席, choi仔同today都冇玩...因為唔想用腦...訓左陣~跟住就返王統元堂~等消息, 中途有cake食~都幾好食wo~我想試下咖啡味ga...
食埋就頒獎la...我果組拎左冠軍wo!!! 超級驚訝...因為根本冇可能ge...之後影左好耐相...學校相同全體相...企係個廣場度勁耐...跟住行返去大學站解散~都6點幾lu...
我同主席去左又一城食dinner, 為左唔好樣衰...我去左換衫...廢事2個一樣衫ge人一齊行la-.- 8點幾先走...勁眼訓lo...搭mtr果時, 真係訓著左ga...d人仲望住我...因為我係企住訓...
ps. 我部相機...記憶卡有事用唔到ar...so影唔到相...但係呢, 我dad...攪左唔夠1min就整好左-.- 好無奈...
ps.. 今次個營都係做野多...冇咩玩...老實講係幾悶...不過見識到中大...都唔錯la~ |
